Benchmarks

আল-ফিলিমন 1

ii

আল-ফিলিমন 11

(ঘ) হজরত পাউলুছর শেষ কথা ১:২২-২৫

হজরত পাউলুছর ছালাম

১ আমি পাউলুছ, ইছা আল-মসীর লাগি বন্দি আছি। আমি আর আমরার ভাই তিমথিয়ে, আমরার লগর তবলিগ কররা মায়ার দুস্ত ফিলিমনর গেছে লেখরাম। ২ বইন আফিয়া, আমরার লগে ইমানর যুদ্ধা আর্থিপাছ আর তুমার বাড়ির জমাতর হকলরে ছালাম জানাইরাম।

৩ আমরার গাইবি বাফ আল্লা পাকে আর হজরত ইছা আল-মসীয়ে তুমরার উপরে রহমত আর শান্তি নাজিল করউক্কা।

হজরত পাউলুছে ফিলিমনর তারিফ করলা

৪ আমি হামেশা মুনাজাতর সময় তুমার কথা ইয়াদ করিয়া আল্লার শুকরিয়া আদায় করি। ৫ কারন হজরত ইছা আল-মসীর উপরে তুমার ইমান আর পাক বন্দা অকলর বায় তুমার মহব্বতর কথা আমি হুনছি। ৬ আমি দোয়া করি, মুমিন অকলর লগে তুমার খাতির-সম্পর্ক আরো বাড়উক। তুমি তো জানো, আল-মসীর খাতিরে আল্লায় আমরারে কতো ভালা ভালা নিয়ামত বিলাই দিছইন। ৭ ভাই, তুমার মহব্বত দেখিয়া আমি খুব খুশি অইছি আর উত্সাহ পাইছি, তুমি তো আল্লার পাক বন্দা অকলর দিলো আরাম দিছো।

অনিছিমরে ফিরত নেওয়ার লাগি অনুরোধ

৮ তুমার ই ভাব দেখিয়া আমি তুমারে এখান কথা কইতাম চাইরাম। আমি তো আল-মসীর নামে তুমারে হুকুম দিতাম পারলাম অনে, তুমার কাম পুরা করার লাগি। ৯ অইলে মহব্বতর খাতিরে হুকুম না দিয়া তুমারে মিনত করিয়ার। আমি পাউলুছ অউ মুরব্বি বয়সো আল-মসীর লাগি বন্দি হালতে তুমার গেছে ই মিনতি কররাম। ১০ আমার আওলাদ অনিছিমর লাগি আরজি জানাইরাম, আমি জেলো বন্দি থাকা হালতে হে ইমান আনিয়া আমার আওলাদ বনিগেছে। ১১ এক সময় তুমার গেছে