Benchmarks

кӑшт пуҫӑма асамлӑн ҫавӑрать.
Киле ҫитсен ҫыру ҫырма ларасҫӗ, —
ман Епхӳри юлташӑн хӗр-тусне
ҫырас килет ман Поликлет ҫинчен:
ҫын ӳҫӗн лӑпка илемне савма
ҫав скульптора, гармони хуҫине,
сӑваплӑ миррӑн ирӗклӗ шӑрши,
тен, пулӑшнӑ пуль Греци ҫӗрӗнче...

Эп килӗме утатӑп. Кам каларӗ,
каҫ пулттипе вӑл кичемрех тесе?
Ман кантӑкран — хуламӑр курӑнать,
хуралнӑ ҫурт тӑррисене сӑнатӑп.
Ҫурт тӑррисем, вӗсем хӑйсем — хула,
хула, хула, ҫӗрте те вӑл, ҫӳлте те, —
эп чылайччен йӑхмашкӑн юрататӑп
ҫак ирӗклӗ ҫӳлти хула ҫине.

Каллех калам: эп халӗ — ҫын ҫеҫ мар, —
пӗлетӗп эпӗ — мӑрьесем ҫине
шевле ӳксен вӗсем пӗр-пӗринпе
епле килӗштерсе ҫуталнине те,
ҫумӑрпала йывӑрлансан вӗсем
ҫурт тӑррисем ҫине епле вӑйпа
пусассине те... Йӑлт пӗлетӗп эп.

Эп халӗ — ҫын. Нихҫан, никам, нимпе те
вӗлерейми этем. Ялан, ялан
пурӑнакан этем. Пурӑнмалли
этем.