Леззетлени бузувчусун (ажжалны) кёп эсге алыгъыз. (Гьадис)

2

АС-САЛАМ

www.assalam.ru

№ 02, февраль 2012

раби-уль-аввал 1432 г.

ЯНГЫЛЫКЪЛАР

Мугьаммат Пайхаммар ﷺ тувгъан ай булан къутлав

Январны ахырларында бусурманлар лап кёп сюеген айланы бириси – Мугьаммат Пайхаммар ﷺ тувгъан ай башланды. Бу айда дюнья Яратгъаныбызны лап уллу рагьмусун гёрген, шону даражасын биз гьатта ахырына ерли англап-билип де болмасбыз.

Есибиз Аллагь бизге Оьзюню Пайхаммарын гьюр-метлеме, макътама буюргъан, шону Ол Оьзю де эте. Шолайлыкъ Пайхаммарны ﷺ абурламакъ нечик уллу иш экенин гёрсете. Бусурманлар Аллагьны буйругъун кюте туруп, Ону рагьмулугъуна шюкюр-люк эте, гече де, гюн де Ону кёп сюеген Элчисин сыйлай. Амма булай сыйлав Пайхаммар ﷺ тувгъан айда айрыча гючлене.

Адатлангъан кюйде бу заманда бусурманлар мав-летлер ва Аллагьны Элчиси ﷺ булан байлавлу оьзге агьвалатланы оьтгере. Шолар Яратгъаныбызны раз-илигин къазанмакъ, дюньялыкъ масъалалар жанны бийлеп барагъанда Есибизни Гьашыгъына бакъгъан сюювню артдырмакъ мурат булан этиле.

Бу тамаша сюйкюмлю ай геливю булан бусурманлар бир-бирин къутлап, яхшылыкълар ёрай. Россияны бусурманларыны ругьани башчылары да шо кюйде-ги ёравланы иманы барлагъа этди.

«Етишип гелген ай бизин учун, бусурманлар учун, айрыча асил ай ва огъар арапча Раби-уль-аввал («язбашны геливю») ай деп айтыла. Бу айны ичинде иманы барлар учун сююнмекликни, берекетликни ва умутну гюню бар», – деп айтыла Россия бусур-манланы муфтилени Советини председатели Равил хазрат Гайнутдинни чакъырывунда.

«Бу айны гюнлеринде ва Пайхаммар ﷺ тувгъан гече намаз къылагъанланы ва Пайхаммар ﷺ тувгъанына сююнюп, баракалла билдирегенлени гюнагълары гечиле. Раби-уль-аввал айда Пайхаммар ﷺ тувгъан гечени гьакъында хабарламакъ, шолагъа тынгла-макъ уллу ибадат санала», – деп узата Равил Хазрат. Бусурманлагъа къутлав сёзлер багъышлагъан Татарстанны муфтиси Илдус хазрат Файзов таш-дыргъан кюйде Аллагьны Элчиси ﷺ бусурманланы жанларына ярыкъ береген ва тюз, гьакъ ёл гёрсе-теген маякъ йимик. «Мугьаммат Пайхаммарны ﷺ яшаву – бизин учун тетекейсиз оьр даражадагъы уьлгю. Оьзюню бары да ишлери, сёзлери, гъарака-ты булан ол бусурманланы чыдамлыкъгъа, гьакъ юрекликге, негетлени ва ишлени тазалыгъына, ругь байлыкъланы сакълавгъа чакъыра болгъан. Бизин

учун Пайхаммарны ﷺ шо чакъырыву яшавубузну аслусу санала. Оьзюне ва айланасына бакъгъан гьар тыныш алыв, гьар сёз, гьар иш бусурман уьммет учун айрыча агьамиятлы. Мугьаммат Пайхаммарны ﷺ сюннетине гёре юрюсек, биз яхшы ишлер кёп этербиз ва шону булан жаныбызны тазаларбыз, ругь оьсювде оьрлюклеге етишербиз, Аллагьгъа ювукъ болурбуз», – дей Илдус хазрат.

Дагъыстанны муфтиси Агьмат гьажи Абдулаев къут-лав сёзюнде бусурманлар Пайхаммарын болгъан чакъы кёп абурлама-сюймеге болсун деп Аллагьдан тилей. «Бу айда тувгъан Мугьаммат Пайхаммарны ﷺ гьюрмети учун Яратгъаныбызгъа ялбараман, Ва-таныбызны балагълардан, питнеден, миллет ва дин ара эришивлюклерден сакълагъыр. Токъташгъан гьадисге гёре, Сорав алынагъан гюн биз бу дюньяда кимни сюйген бусакъ, шолар булан болажакъбыз. Я Аллагь, шо авур гюн Пайхаммарны ﷺ байрагъыны тюбюнде жыйылып болардай Элчинге ﷺ бакъгъан шолай сюювню бер бизге», – деп, алгъыш эте Агьмат гьажи.

«Ассалам» газетни редакциясы бары да бусурманла-ны бу шат ай геливю булан къутлай, бары да халкъ-гъа Яратгъаныбызгъа бакъгъан инаныв болмакъны ва Ону Пайхаммарын ﷺ гьакъ юрекден сююв тувув-ну ёрайбыз. Есибиз Аллагь бизге рагьмусун яйсын ва гьакъ ёлда юреклерибизни бирикдирсин! Амин.

Дагъыстанда тиштайпалар учун радио ачылгъан

Бизин республикада тиштайпа тынглавчулар учун «Сафинат» деген радио ишлемеге башлагъан ва ону 102.9 FM частотада тутмагъа бола.

Бу радиода болажакъ берилишлер къайсы чагъында да ва не иш булан да машгъул тиштайпалар учун гьазирлене. Янгы радиону оьзгелерден къалышагъ-ан ери де болажакъ: тынглавчулагъа «Сафинатда» музыка алатларсыз язылгъан тиштайпалар йыр-лайгъан нашитлер берилежек.

«Сафинатда» булай берилишлер болажакъ:

1. Артадагъы янгылыкълар.

2. «Студияны къонагъы» агьамиятлы темалагъа лакъырлашывлагъа тынгламагъа сюегенлени хошу-на гележек. Радио къонакълар – къужурлу масъала-ланы гьакъында айтажакъ ва тынглавчуланы соравла-рына жавап бережек адамлар болажакъ.

3. Гьар ахшам «Сафинат» деген радиода тынглавчу-ланы тилевюне гёре нашитлени ва йырланы заказ этмеге болажакъ.

4. Савлукъ сакълавну гьакъындагъы берилиш тын-главчулагъа савлукъну нечик сакъламагъа боларны ва аврувланы нечик сав этмекни гьакъында бил-меге кёмек этежек. Гьар берилишде ортакъчылыкъ этежек докторлар медицина масъалалагъа тиеген соравланы арагъа салажакъ, сав болувну артда чыкъгъан къайдаланы гьакъында сёйлежек, тын-главчуланы соравларына жавап бережек.

5. «Халкъ доктор» деген берилишде буса, аврувдан къол тюпдеги ва табиат алатлар булан сав болувну гьакъында хабарланажакъ.

6. «Аривлюкню сырлары». Бу берилишден къатын-гишилер жагьилликни ва аривлюкню нечик сакъ-ламагъа болурну билежек. Кёбюсю ёравлар Мугьам-мат Пайхаммарны ﷺ сюннетинден алынгъан.
7. «Аллагьгъа таби къатын» деген берилиш эки бёлюкге бёлюнежек. Биринчисинде Патимат гьажи къатын Гьамзатованы шолай аты булангъы кита-бындан гесеклер охулажакъ, онда бусурман тиш-тайпалар тюрлю-тюрлю гезиклерде оьзюн нечик тутмагъа гереги гьакъда айтыла. Экинчи бёлюкде буса, журналист Айша Тухаева шо китапда язылгъан ёравлар огъар яшавунда нечик кёмек этгени гьакъда айтажакъ.

8. «Ислам диндеги уьй аралыкълар» ожакъдагъы татывлукъну нечик болдурмагъа гереги ва яхшы олжа болмакъ, эрине ярамакъ ва шолайлыкъ булан Яратгъаныбызны разилигин къазанмакъ учун къатынлар не этмеге болагъанны гьакъында хабарланажакъ.

9. Дагъыстан бусурманланы ругьани идарасын-дагъы тиштайпаланы арасында ваъза этеген бёлюк: «Женнетни нечик къазанмагъа бола?», «Эрини раз-илигин къазанмакъ учун», «Женнет аналаны аякъ тюбюнде» деген темалагъа лекция берилишлер онгаражакъ.

10. «Яшланы Ислам динде тарбиялав» деген бери-лиш Мугьаммат Пайхаммарны ﷺ ёлуна гёре авлетле-ге ругь-къылыкъ байлыкъланы сингдиреген къайда-ланы гьакъында айтажакъ.

11. Лап гиччи яш тынглавчулагъа «Почемуки» деген берилишде ёмакълар айтылажакъ.

12. «Чалт аш» деген берилишде Вагьидат Насруди-нова тынглавчу тиштайпалагъа татли ва пайдалы ашны нечик тез онгармагъа болагъанны айтажакъ.

13. «Бизин ихтиярыбыз» деген берилишде къатын-гишилер оьз ихтиярларын нечик якълама болагъан-ны сынавлу юристден билмеге болажакъ.

14. «Алимге сорав» деген берилишде буса, тиштай-палар билмеге сюегенине жаваплар алажакъ.

15. Этилген гюнагь ишлени гьакъында да айры берилиш болажакъ деп гёзалгъа тутулгъан. Мунда адамлар оьзлени гюнагълары саялы нечик товба эт-генини ва яшавун нечик алышдырма болгъаныны гьакъында айтажакъ.

16. Мугьаммат Пайхаммарны ﷺ яшавуну гьакъында да айрыча берилиш болажакъ. Ону яшаву, ишлери ва гьаракаты – бары да бусурманлар учун уьлгю.

17. «Исламны байлыкълары» деген берилишде тынглавчулагъа Пайхаммарны ﷺ асгьабаларыны, Ислам дюньяны машгьюр, айтылгъан алимлери, гьаракатчыларыны яшавуну гьакъында маълумат берилежек.

18. Адабият берилишде имам аль-Къазали, шайых Сайит афанди йимик айтылгъан алимлени асар-лары берилежек. Оланы китапларындан гесеклер охулажакъ.

19. Шолай да тынглавчулар Пайхаммарны ﷺ гьадислерине, алимлени ва шайыхланы гьакъыллы сёзлерине тынгламагъа болажакъ.

20. Интернетни айланып чыгъыв бусурман сайтлар-дагъы янгылыкъланы билмеге кёмек этежек.

www.islamdag.ru деген сайтдан алынгъан

Учредитель

Благотворительный фонд «Путь». Газета печатается по согласованию и одобрению Духовного управления мусульман Дагестана

Редакционный совет

Председатель редакционного совета
муфтий РД
Ахмад-хаджи АБДУЛАЕВ
Асхабали МУРЗАЕВ

Главный редактор

Патимат ГАМЗАТОВА

Редактор

Абдул-Азиз МИЧИГИШЕВ

Дизайн, вёрстка

Лейла ГУСЕЙНОВА

Менеджер

Мухаммад ХИРИЯСУЛАЕВ
Абдусабир АХМЕДОВ

Газета зарегистрирована Федеральной службой по надзору в сфере связи, информационных технологий и массовых коммуникаций.

Свидетельство о регистрации ПИ № ФС 77-42079 от 24 сентября 2010 г.

Индекс 51325

При перепечатке ссылка обязательна.

Набрано и сверстано на компьютерной базе газеты «Ас-Салам».

Отпечатано в ООО «Дом печати» по адресу: пр-т Акушинского, 20.

Заказ №

Сдано в печать 3 февраля 2012 г. в 20:00.

Тираж 2.700 экз.

Адрес редакции

367015, РД, г. Махачкала,
ул. Азиза Алиева 2.
Тел.: (8722) 61-00-64.

По вопросам подписки и доставки обращаться по телефонам:
по Республике Дагестан — 8-988-699-28-24
по г. Махачкале — (8722) 914-222.

E-mail: assalamweb@gmail.com;
www.assalam.ru

ГАЗЕТДЕ СЫЙЛЫ КИТАПЛАРДАН АЛЫНГЪАН ГЕСЕКЛЕР, ГЬАДИСЛЕР БАР. ШАРИАТГЪА ГЁРЕ ОЛАНЫ НАС ЕРГЕ ТАШЛАМАГЪА ЯРАТЫЛМАЙ