САВГА

ЕРЛИ САМОУПРАВЛЕНИЕ

ДР АЬКИМБАСЫ

Орденге
ТИЙИСЛИ
ЭТИЛИНГЕН

Янъыларда Карабудахкент районында 3-нши Халклар ара динлер ара, яслар ара форумынынъ ябылувында шыгып соьйлеген Махачкала эм Грозный епископы Варлаам Дагестан Республикасынынъ Аькимбасы Рамазан Абдулатиповка форумды уйгынлавда эм оьткеруьвде баьри ягыннан да эткен коьмеги уьшин разылыгын билдирген. Соны ман бирге Орыс Православие Килсесининъ Махачкала епархиясынынъ етекшиси Москва эм савлай Русь Киели Патриархы Кирилл ДР Аькимбасы Рамазан Абдулатиповты Орыс Православный Килсесининъ «Данък эм Сый» деген килсе савгасына тийисли этилинуьви акында указ шыгарган.

Бу савгага Дагестан Аькимбасы оьзининъ тувган-лы 70 йыллыгы ман байланыста тийисли этилинген.

«Данък эм Сый» ордени Орыс Православный Килсесининъ оьрметлилиги бойынша уьшинши ордени болып саналады. Бу савга Киели Патриарх 2-нши Алексийдинъ эм Киели Синодтынъ аьрекети мен 2004-нши йылдынъ 23-нши мартында беркитилген. Сондай орден мен патшалыклар эм оькиметлер басшылары, халклар ара эм оькиметлер ара организацияларынынъ, килселер эм конфессиялар етекшилери, айтувлы патшалык эм ямагат аьрекетшилери килселер ара эм динлер ара катнасувга, халклар ара тынышлыкты эм дослыкты беркитуьв исине эткен косымы уьшин савгаланадылар.

«САЙЛАВЛАР-2016»

ПРИОРИТЕТЛИ ПРОЕКТЛЕР

Район оьрленсе, халкымыз оьрленер

Дагестан Республикасынынъ Оькиметининъ 2016-ншы йылдынъ 25-нши декабриндеги «2016-ншы йылда Дагестан Республикасынынъ приоритетли оьрленуьв проектлерин яшавга шыгарув акында» деген 360-ншы номерли токтасы ман келисли аьлде «Ногайский район» МО аькимбасы ман 2016-ншы йылдынъ 15-нши январинде «Дагестан Республикасынынъ приоритетли оьрленуьв проектлерин 2016-ншы йылда «Ногайский район» МО еринде яшавга шыгарув акында» деген 2-нши номерли токтасы кабыл этилинген. Сол токтаска коьре ызгы йылларда Ногай районында приоритетли оьрленуьв проектлери калай аьлде яшавга шыгарылувы акында тоьмендеги информацияды баспалаймыз.

«Экономикады акка кайтарув» приоритетли проекти

Быйылдынъ 1-нши майына косылма бюджетти толтырув планы 102,9 процентке етискен яде 39883,7 мынъ маьнет акша келими туьскен. Ол алдынгы йыллардыкыннан 1134,0 мынъ маьнетке артык.

Район бюджетине туьскен акша оьлшеми 1231,5 мынъ маьнетке артык, поселениелер бюджетлерине – 97,5 мынъ маьнет акша туьспей калган. Уьстимиздеги йылдынъ январь-май айларына оьткен йылдынъ сол заманы ман тенълестиргенде налог эм налог тувыл келимлер 6272,9 мынъ маьнетке коьп туьскен (2016-ншы йыл – 39883,7 мынъ маьнет, 2015-нши йыл – 33610,8 мынъ маьнет).

1. Налог базасы

Йылдынъ ызына ер налогы эм физический лицолардынъ уьй-муьлкине салынатаган налоглардан туьсеек келимлер 600,0 мынъ маьнетке оьспеге каралады.

Быйылдынъ 5 айы ишинде дурысында бюджеттинъ толтырылувы:

– физический лицолардынъ уьй-муьлкине салынатаган налог бойынша план 37,7 процентке толтырылган яде поселениелер бюджетлерине 262,6 мынъ маьнет акша туьспеген;

– ер налогы бойынша план 462,6 процентке толтырылган яде поселениелер бюджетлерине 2165,2 мынъ маьнет акша артыгы ман туьскен;

– налог тувыл келимлер бойынша план 66 процентке толтырылган яде косылма бюджетине 1564,0 мынъ маьнет акша туьспеген.

2. Физический лицолар
келимлерине налоглар йыл
узагына 57926,5 мынъ маьнет

акша оьлшеминде туьсеек деп каралады.

Уьстимиздеги йылдынъ 5 айы ишинде дурысында бюджеттинъ толтырылувы:

– косылма бюджетине физический лицолардынъ келимлерине салынатаган налогтан туьскен келим 110,6 процентке етискен яде 2161,0 мынъ маьнет акша артык туьскен.

3. ГСМ акцизлери

Йылдынъ ызына 7064,0 мынъ маьнет акша туьспеге каралады.

Быйылдынъ 5 айы ишинде дурысында туьскени:

– район бюджетине ГСМ акцизлерининъ туьсуьви 106,0 процентке етискен яде 188,0 мынъ маьнет артыгы ман туьскен.

4. Киши эм орта бизнес

Йыл бойынша айырым налог режимин кулланатаган налог тоьлевшилерден 9478,5 мынъ маьнет акша туьспеге каралады.

Уьстимиздеги йылдынъ оьткен 5 айы ишинде дурысында туьскен:

– ЕНВД – план 76,8 процентке толтырылган;

– ЕСХН – план 116,5 процентке толтырылган яде районнынъ косылма бюджетине 164,6 мынъ маьнет акша артык туьскен;

– УСН – план 111,9 процентке толтырылган яде 135,1 мынъ маьнет акша артыгы ман туьскен.

5. Ер участоклары эм козгалып болмайтаган авыр объектлерге ыхтыярлары барлар акында билдируьвлерди актуализациялав.

Быйылдынъ 5 айы ишинде дурысында толтырылган:

– ер участокларын актуализациялав иси 32,3 процентке;

– капиталлык курылыс объектлерининъ билдируьвле-

рин актуализациялав 36,4 процентке.

Ер налогынынъ ставкалары авыл хозяйство ерлери эм ИЖС уьшин ерлери бойынша кадастр оьлшеминнен 0,3 процент оьлшеминде, оьзге ер участоклары бойынша 1,55 проценти кадиринде токтастырылган.

Физический лицолардынъ уьй-муьлкине салынатаган налог бойынша ставкалар 28.11.2009-ншы йылдагы 283-нши номерли Федераллык законы ман келисли аьлде кабыл этилинген, олай дегени 300 мынъ маьнетке дейим – 0,1 процент, 300-ден 500 мынъ маьнетке дейим – 0,2 процент, 500 мынъ маьнеттен артса – 0,31-0,35 процент оьлшеминде.

«Оьсуьв точкалары», инвестициялар эм хайырлы территориаллык оьрленуьв» проекти

Патшалык эм федераллык целевой программаларында Ногай районынынъ катнасувын арттырув.

П.1.2 2016-ншы йылдынъ январь айыннан май айы бойынша «Исин янъы баслаяткан фермер» эм «Аьел малшылык фермаларын оьрлентуьв» деген программалары уьшин патшалык коьмеги алынмаган.

П.3.4 «Ногайский район» МО администрациясы ман 2015-нши йылда «Ногайский район» МО 2015-2018-нши йылларга социаллык-экономикалык оьрленуьв комплексли программасы исленип аьзирленген.

П.5 «Ногайский район» Аькимбасынынъ 29.05.2015-нши йылдагы 255-нши номерли токтасы ман районда онъайлы инвестиционлык аьллерин канагатлав бойынша «Ногайский район» МО ерли самоуправление органларынынъ аьрекетининъ стандартын киргистуьв бойын-

ша «Йол картасы» беркитилген.

«Ногайский район» МО Аькимбасынынъ 03.06.2015-нши йылдагы 211-нши номерли токтасына коьре «Ногайский район» МО Аькимбасы ман 2020-ншы йылга дейим «Ногайский район» МО инвестиционлык стратегиясы беркитилген. Район еринде онъайлы инвестиционлык аьллерин канагатлав бойынша «Ногайский район» МО ерли самоуправление органынынъ аьрекетининъ стандарты 100 процентке толтырылган.

П.6 Янъы 4 инвестиционлык майданлары туьзилген:

– Кара-Сув авылындагы аьлиги 2 сув сакланатаган куйыларды кайтадан ярастырув;

– Терекли-Мектеб авылында 2 гектар майданда ер астындагы исси сув булакларын кулланув негизинде теплица салув;

– Червленные Буруны авылында 2 гектар майданда исси сув булакларын кулланув аркасында теплица курув.

П.7,8,9 Кара-Сув авылындагы 2 сув сакланатаган куйыларды реконструкция этуьв бойынша керекли куллыкларды юритуьв уьшин инвесторлар излестириледи.

Исси сув булакларын кулланув негизинде теплицалар курылысы уьшин Терекли-Мектеб авылында 2 гектар эм Червленные Буруны авылында 2 гектар ер участоклары белгиленген.

«Ногайский район» МО Аькимбасынынъ 21.05.2015-нши йылдагы 199-ншы номерли токтасы ман производительлер эм олардынъ коллары ман аьзирленетаган азык-туьлик эм азык-туьлик тувыл продукциясы бойынша инвестиционлык майданларынынъ реестри туьзилген эм беркитилген эм ДР Промышленность эм савда министерствосына йиберилген. Бу куллык армаган бардырылады.

Р.ШАНГЕРЕЕВ,

«Ногайский район» МО администрация аькимбасынынъ куллыгын юритуьвши.

(Ызы болаяк).

Оьз ыхтыярларынъызды билинъиз

Быйыл сентябрь айында болып озаяк сайлавларга дейим эндигиси бир айдан бираз артык заман калып туры. Соны ман байланыста сайлавшыларда бизди кайдай сайлавлар куьтеди, олар кайдай йорык пан оьзгарылаяк, 2016-ншы йылдынъ сайлав кампаниясы калай туьзилген эм сондай баска соравлар тувадылар...

Соравлар коьп. Быйыл куьзде элимиз бойынша РФ Федераллык Йыйынынынъ Государстволык Думасына сайлавларды уйгынлав эм оьткеруьв акында соравларга яваплар излестируьвде гражданларга коьмек этуьв ниет пен Да-

гестан сайлавшылар ыхтыярларынынъ эм аьрекетининъ орталыгы (ДЦИПП) «Сайлавлар акында ашык эм онъайлы кепте» деген акцияды баслаган.

Сога коьре аьр юма сайын Орталыктынъ специалистлери коьлем инфор-

мация амалларында эм социаллык тармакларында эл арасында кенъ белгили Facebook, Instagram, Twitter аккаунтларында ДЦИПП язылувшыларынан туьскен энъ маьнели соравларга, солай ок dcipp@mail.ru деген Орталыктынъ электрон адресине сайлавшылар йиберген соравларга яваплар йыйынтыгын баспалайдылар.

«Бизим янъы акциядынъ ис йосыгы ашык эм анъламлы: сиз сорайсыз – биз яваплаймыз. Оьзле-

рининъ сайлав анъсатлыкларын билмеге эм соларды анъламага граждандар борышлы тувыл болса да, соларды билмеге ыхтыярлары бар, – деген акция юриси акында Дагестан сайлавшылар ыхтыярларынынъ эм аьрекетининъ орталыгынынъ етекшиси Ислам Магомедов. – «Оьз ыхтыярларынъды билуьв – куьшли болув!» деген белгили соьзди йоьплей берип, анълатаман: сайлав бюллетенине сайлавшы салатаган маьнели «сызык» керексиз ерге

салынып коймасын, дагестаншылар сайлав участокларында оьзлерин кайтып дурыс кепте юритпеге керегин билсин деп. Эгер бир зат бола калса, биз аьр юма сайын энъ маьнели эм йыйы берилетаган соравлардынъ эм соларга яваплардынъ йыйынтыкларын туьзеекпиз. Соны ман байланыста биз республикалык коьлем информация амаллары сондай пайдалы баславды колтыклар эм коьрсетилген явапларды баспалар деп сенемиз».

Сайлавларга аз заман кала береди, ама соларга барганша, сайлавлар йорыгы кайдай эм сайлавшылардынъ ыхтыярлары эм анъсатлыклары, дурысын айтсак, заьлимдей коьп.

И.МАГОМЕДОВ,

Дагестан сайлавшылар ыхтыярларынынъ эм аьрекетининъ орталыгынынъ директоры.

2 БЕТ

«ШОЬЛ ТАВЫСЫ»

11 АВГУСТ 2016 йыл