Дюр дяр умукэгӣ статьян

1. Илтыкин нуңнитчэдэви мэнңи дуннэтви тэдет ӧмачин,
мэнэкэн-ңу, синмавча-гу илэл бэлэгэдин.

2. Илэтыкин мэнңи Дуннэдуви государственнай служ-
батки урэт ивун бимчэ.

3. Тэгэ ӧмудяриван — правительства эңэсин; тар ӧмудярин
тэдемэмэлду синманду бакамачин; упкатңи, урэтңи-да
синмакитту тэден ӧмачин тар синманду.

Дюр дяр гē статьян

Илэтыкин, ӧн общества илэн, социальнай обеспечениевэ
гамча, тарит илэ саричанин экономическайду, социаль-
найду, культурнайду-да һанилду гэлэвдяри бимчэ. Меж-
дународнай сотрудничество бэлэгэдин, государствотыкин
дёкиндядин.

Дюр дяр илӣ статьян

1. Илэтыкин һавави тэдэт гамча, һава тэдемэвэ синман-
ман, тоңно, аямама итыл һава дярин, һавая ачиндук ды-
сучинма бимчэ.

2. Илэтыкин урэт һава дярин, урэт һава таманин дярин
тэдэт гамча.

3. һавамнитыкин тоңноё, һэгдые, аямая тамана тэдет
гамча, тарит нуңанңи дюганин аяма бини ӧмачин, һавув-
дерилди гэлди тамавурди-да.

4. Илтыкин һавады умунупинми итывдяңамачин,
мэнэкэн-дэ таргачирдула умунипиндула мэнңи дӣвэри
дысучин дярин ивмачин.

Дюр дяр дыгӣ статьян

Илэтыкин дэрумкичэнма тэдет бимчэ, иргэчивэ камни-
чивунма һавады тыргания-да, тамавдяри дэрумкичэнмэ-
дэ.

Дюр дяр тунңӣ статьян

1. Илэтыкин таргачина биния: дебгэе, тэтые, дюя, аитъя,
һуңтуе-дэ аяя тэдет бимчэ, экудыл илэду, нуңанңи
дюганду-да гэлэвдери. Окин илэ һавая ачин ӧдян,
энӯлдян, асия-гу, эдыя-гу сокордён, сагдандян, һуңту эрӯ-
гу ӧдян, тэли илэ тэдет дысутчэмэчин.

2. Энин бинэ, куңакан бинэ тэдет бэлэнэ гэлэдерэ. Упкат
куңакар, амичӣ бинэл, амина ачир бинэл, социальнай ды-
сучина бимчэл.

Дюр дяр нюңӣ статьян

1. Илэтыкин татыгана тэдет гамча. Татыган тамана ачин
бимчэ – нонопты, дулугу. Нонопты татыган упкатту ӧңат.
Техническайды, профессиональнайды тамаган упкатту
иеэлду ивун бимчэ, һэгдытку татыган-да савка илэлду.