— тюрлю маълуматлар береген источниклени табыв, чечив, оланы оьзбашына къоллап, пайдаланып бажарыв.

Оьзюне хас натижалар (личностный)

— асарны англап охув бажарывлукъларын болдурув;

— охулгъан асаргъа далиллер гелтирип, автор айтма сюеген аслу маънаны, оьз къаравларын ачыкъ этив;

— тюрлю адабият оюнланы ойнав мердешлерине ес болув (викторина, кроссворд, инсценировкалар, КВН ва ш.б.);

— оьзю ушатагъан асарланы топлав.

ХАЛКЪ АВУЗ ЯРАТЫВЧУЛУГЪУ

Маданиятда инче саниятны, инче саниятда адабиятны ва фольклорну ери, ёругъу. Чебер асарланы ва документлени башгъалыгъы.

Ёммакъланы гьакъында англав.

Ёммакъланы тюрлюлери, оланы аслу аламатлары, уьлгюлю игитлери, оланы хасиятлары, ишлери. Инкар ишлени келпетлев. Халкъны асил хасиятларын: тюзлюкню якълайгъанлыгъын, къоччакълыкъны алгъышлайгъанлыгъын, загьматны макътайгъанлыгъын, зулмучулукъну сёгегенлигин, оьктемликни эрши гёрсетегенликни англатыв, олагъа яшланы тергевюн бакъдырыв. Ёммакъланы тилини чеберлиги. Оланы ортакъ ерлери.

«Къарачач».

Ёммакъда халкъны тюзлюкге инаныву. Къарачачны итти гьакъылы, ону келпети. Ёммакъда сигьру аламатлар.

12