ಶ್ರೀಃ
ಶ್ರೀಮತೇ ರಾಮಾನುಜಾಯ ನಮಃ

॥ ಗುರುವಾಯುಪುರೀಶ ಮಣಿಮಂಗಳಸ್ತವಃ ॥

ಕವಿತಾಜಿತಕಲ್ಲೋಲಿಕನ್ಯಕಾಕಾಂತವಕ್ಷಸೇ।
ಕರುಣಾದಿಗುಣಾಡ್ಯಾಯ ಕಮಲಾನಿಧಯೇ ನಮಃ ॥

ಗುರುವಾಯುಪುರೀವಾಸ ಕುರುಕ್ಷೇತ್ರೀಯಸಾರಥೇ।
ಗುರುಚಿತ್ರಕೃತಾವಾಸ ಕುರು ಕಿಂಚಿತ್ ಕೃಪಾಂ ಮಯಿ ॥ ೧ ॥

ಗುರುರುತ ಗುರುವಾಯುರಾಂಜನೇಯಃ
ಗುಣಕಥನೇ ಗುರುವಾಯುಭೋಜನೋ ವಾ ।
ಗುರುರಯಮಹಿಮಂಡಲಸ್ಯ ನಾಲಂ
ತವ ಗುರುವಾಯುಪುರಾಧಿನಾಥ ಕೋಽಹಂ ॥ ೨ ॥

ಗುರುಸದಾಗತಿಪತ್ತನನಾಯಕಂ
ಕುರು ಸದಾ ಹೃದಿ ಸದ್ಗತಿದಾಯಿನಂ ।
ಮರುಭುವೀವ ಭವೇ ಭಗವಾನಭೂತ್
ಉರು ಸುಧೇವ ಸತಾಂ ತಪಸಾ ಹ್ಯಯಂ ॥ ೩ ॥

ವಾಚಸ್ಪತಿರ್ಸ್ಸ ಸತತಂ ಗೃಹಸ್ಥಃ
ಸದಾಗತಿಂ ಚೈತಿ ತಮೇನಮಾಪ್ಯ ।
ವಾಚಸ್ಪತಿಂ ಚಾಪಿ ಸದಾಗತಿಂ ಯಃ
ಸ್ವಪತ್ತನಾಖ್ಯಾಗತಮಾತನೋತಿ ॥ ೪ ॥

ತಾಪಜಾಲಪಾಪಜಾಲಶಾಪಜಾಲಪೀಡಿತಃ
ಜೀವರಾಶಿರತ್ರ ನಾಮ ಜೀವನಂ ಯದೀಚ್ಛತಿ ।
ಜೀವವಾಯುಪತ್ತನೇಂದ್ರಪಾದಸೇವನಂ ವಿನಾ
ತಸ್ಯ ಕಾ ನು ಭೂತಲೇಽತ್ರ ವಿದ್ಯತೇ ಗತಿಃ ಪರಾ॥ ೫॥