3 ахъвы – асквш 2019 июль а 27 асахӀат а 10 йгӀашӀарышвта август а 5 асахӀат а 10-дза – Ажвлара адкӀылара «Адуней апсуа-абаза конгресс» асайт ( www.abaza.org ) апны йакӀвшуштІ аонлайн-напӀщтӀыхра. АнапӀщтӀыхра шымгӀвайсуамцара агӀарбараква шаъу гӀаквырцӀалуштІ;

4 ахъвы – асквш 2019 август а 8 – Анкъвакъвра АпхъагылагӀв дгӀархӀвуштІ;

5 ахъвы – асквш 2019 – аграффити рчпуштІ (ауи зырхъйуш «Абзира нкъвга» («Дари Добро») компания акӀвпӀ ( www.daridobro.net );

6 ахъвы – асквш 2019 – Анкъвакъвра АпхъагылагӀв артшхъвага йквнадыргуштІ.

4. Анкъвакъвра акӀвыршаща

4.1. Анкъвакъвра ззынарху апсуа-абаза (абаза) уагӀа разакӀыра атемала йчпу асурат-эскизква ракӀвпӀ, ауат йырнызара атахъыпӀ анкъвакъвра азшӀытра апсуа бызшвалагьи «Иаку, иузеиҹымшо», абаза бызшвалагьи «ЙазакӀу, йузагӀвымшуш», йгӀарбазара атахъыпӀ Лакоба Н.А. йыхыз зхьзу й-10-хауа Согъвым Ащхъа апхьарта турых магӀныта йаму. Асурат-эскиз йахъвыкӀзара атахъыпӀ Ажвлара адкӀылара «Адуней апсуа-абаза конгресс» йгьи АНО «Апсуа-абаза уагӀа ртшауацӀыхра ацхърагӀара знархару адкӀылара «Алашара» рлоготипква.

4.2. Анкъвакъвра АпхъагылагӀв йсурат-эскиз граффити квпшыра амата Лакоба йурам ахъатала атдзы афасад блын йаквырчпуштІ абари адресла: Согъвым къала, Воронов йурам, 11. Абльын ганыта йамапІ 10 метркӀ, xӀагӀарата – метр 27 (квадрат метр $\backslash approx\; 270$ йнадзитІ).

4.3. Анкъвакъвра далазларныс йылшуштІ адунейла дзачІв гӀвычӀвгӀвысызлакӀгьи, йныбыжь зъара йнадзалакӀгьи, йсурат-эскиз адгалра комитет йырнапӀыцӀайыршварквын (йащтагӀайуата – Анкъвакъвра йалу).

4.4. Анкъвакъвра йаларцӀарныс йнарахвуа асурат-эскизква швыга зигӀвала йчпазара атахъыпІ, суратгӀвра амальта йгӀарысабапхауа алых гьамам. Асурат-эскиз йацӀагІвзара атахъыпІ Анкъвакъвра йалу йтдзахыз, йыхыз, йныбыжь, йтелефон, йадрес дъабзазауа.

4.5. ИхӀазыру анхараква адгалагӀвчва йрытра атахъыпІ Ажвлара адкӀылара «Адуней апсуа-абаза конгресс» ауысхарта апны, абар ауи адрес: Согъвым къала, Лакоба йурам, 109, й-2-хауа аэтаж (Апсны Республика аналогкви азкӀкӀракви руысла аминистерства атдзы) асквш 2019 май а 15 йгӀашӀарышвта июль а 15-дза ансимшы асахӀат а 10 йгӀашӀарышвта асахӀат а 18-дза, йа асурат-эскиз йгӀахъыху анадзара xӀагӀата йщтира атахъыпІ абари аэлектрон адресла: info.abk@abaza.org .

4.6. Анкъвакъвра йалу рынхараква АдгалагӀвчва йрайдзара атахъыпІ асквш 2019 июль а 15 асахӀат а 00-дза.

4.7 Адгалра комитет Анкъвакъвра йгӀарщтиуа анхараква йрылапшта 3 сурат-эскизкІ гӀалырхуаштІ, ауат зымгӀвагьи йшырбуш апшта аонлайн-напӀщтӀыхра апны йдыргылуаштІ.

4.8. Анкъвакъвра атематика йаквыргӀапсым йа ари Аъаща апунктква 4.1, 4.4 ражванахъаква йрыквымшвауа анхараква Анкъвакъвра йгьаларыжьуашым йгьи йгьрылапшуашым.