Life on the CAPS :(Meriem Bennani) میریم بینانی
7 مئی - 4 ستمبر 2022

Life on the CAPS بحر اوقیانوس دے وچکار واقع اک فرضی جزیرے CAPS تے ترتیب دتے گئے قیاس تے مبنی مستقبل دی تحقیق کردی اے۔ ایتھے، بائیو ٹیکنالوجی نے لوکاں نوں ٹیلی پورٹیشن دے ذریعے سفر کرن دے قابل بنایا اے اتے اوہ عمر وچ بدلاؤ لیا سکدے نیں اتے نویں جسم خرید سکدے نیں۔ ایداں دی دنیا وچ جیتھے سرحداں دا اطلاق وڈی مقناطیسی فیلڈز اتے ڈرون بردار اہلکاراں دے مسلح گروہ ولوں کیتا گیا اے، نمائش نقل مکانی اتے محرومی دے تجربیاں، مزاحمت اتے دائمی تبدیلی دے تجربات دا تصور پیش کردی اے۔ ایہہ مراکش نژاد نیو یارک وچ مقیم آرٹسٹ میریم بینانی (پیدائش 1988، رباط) ولوں UK میوزیم وچ پہلی سولو نمائش اے، اتے CAPS تے ترتیب دتی گئی تین فلمز دے دو ابواب نوں ظاہر کردی اے۔

بینانی اک قصہ خواں نیں۔ اپنا دا کم اسپیشل ایفکٹس، ڈیجیٹل اینیمیشن اتے موسیقی دی مدد نال، حقیقت دے وسیع تر ورژن نوں ظاہر کرنا اے۔ اوہ ڈیجیٹل ٹیکنالوجیز دی آمیزش اتے موجودہ معاشرے وچ شناختاں دے بکھرن دے عمل نال، حقیقت تے مبنی TV، ڈاکومینٹری، تشہیر، سوشل میڈیا اتے فون دی تصویراں نوں لے کے خاکہ بناندی اے۔

بینانی دی خیالاتی اتے جغرافیائی و سیاسی، انفرادی اتے اجتماعی دنیا نوں ملان دی صلاحیت اداکاراں نال ایناں دے قریبی تعاون دی مربون منت اے۔ بیلیاں اتے اہل خانہ نال اکثر کم کردے ہوئے جیہڑا خود اپنا 'CAPSI' ورژن کھیڈدے نیں، اوہ اپنے طریقے نوں ڈاکومینٹری اتے رول پلے دے 'اختلاط' دے طور تے بیان کردے نیں۔ بینانی کہندی اے: 'اوہ اپنی حقیقی زندگیاں وچ بھاویں کنے وی مسائل نال دوچار ہون، اوہ CAPS تے منتقل ہو جاندے نیں کیوں جے اخیر تے ایہہ حقیقی زندگی وچ ایناں دے مسئلیاں دے بارے ای اے'۔

گیلری 1

Party on the CAPS

2018-19، اٹھ چینل دی ویڈیو انسٹالیشن، 25 منٹ 28 سیکنڈ
پیش کردہ از آرٹسٹ اتے کلئیرنگ (CLEARING)، نیو یارک/برسلز

آرٹسٹ دے اپنے اہل خانہ نال فلمائی گئی، Party on the CAPS نوآبادیاتی نظام دے خاتمے دے بعد دی ملکیتی حقوق توں محرومی اتے CAPS دے مراکشی علاقے وچ مزاحمت دے تجربے نوں عکس بند کردی اے۔ تین فلماں دے پہلے باب وچ، اسی فیونا مگرمچھ (Fiona the crocodile) جزیرے دی میسکاٹ نال ملدے آں جیہڑا سانوں CAPS دی پیچیدہ دنیا توں متعارف کرواندی اے۔ ایہہ کلی کمیونٹی حقیقت وچ اک حراستی کیمپ توں ودھی، جیدے وچ اوہ مہاجرین قید سن جیناں نوں ریاست ہائے متحدہ امریکہ تیکر ٹیلی پورٹ ہون دی کوشش دے دوران روکیا گیا سی۔ ٹیلی پورٹیشن دے وچکار مداخلتی تشدد دے کارن جسم کوانٹم بے ترتیبی دا شکار ہو گئے، اتے رہائشی 'پلاسٹک چہرے دے سنڈروم' جئی مصیبتاں دے نال رہن لگ گئے۔ تین نسلاں دے دوران، دلدلاں وچ گھرے ہوئے جزیرے دی قید آبادی اک رش آلے وڈے شہر وچ تبدیل ہو گئی۔

گیلری 2

Life on the CAPS

2022، واحد چینل دی ویڈیو، 34 منٹ

پیش کردہ آرٹسٹ؛ کلئیرنگ، نیو یارک/برسلز؛ اتے François Ghebaly لاس اینجلس/نیو یارک