Benchmarks

3

భాగవతంలో రసగుళికలు

నరముఖ్యుల్ గని రార్తరక్షణ కళాసంరంభునిన్ శంభునిన్.

[8-219]

ఇలా వెళ్ళి ఆయనతో మొరపెట్టుకున్నారు. ఇందులో పోతన దేవతలు ఎలా అడిగారో చమత్కరించాడు. ఇక్కడ శివుణ్ణి శంకరుడని సంభోదించేడు – శంకరుడంటే సుఖాల్ని ఇచ్చేవాడని అర్ధం కదా? మనకి కావాల్సిన పని అవ్వాలంటే ముందు పొగడాలి; "..భోగిభూషణునకు సాష్టాంగ దండప్రణామంబులు గావించి ప్రజాపతి ముఖ్యు లిట్లని స్తుతించిరి.” అంచేత ఇప్పుడు ఉబ్బులింగడితో అంటున్నారు.

సీ. భూతాత్మ! భూతేశ! భూత భావనరూప!

దేవ! మహాదేవ! దేవవంద్య!

యీ లోకముల కెల్ల నీశ్వరుండవు నీవ;

బంధమోక్షములకుఁ బ్రభుఁడ వీవ;

యార్త శరణ్యుండ వగు గురుండవు నిన్నుఁ

గోరి భజింతురు కుశలమతులు;

సకల సృష్టి స్థితి సంహారకర్తవై

బ్రహ్మ విష్ణు శివాఖ్యఁ బరఁగు దీవ;

[8-222]

క. నీ యంద సంభవించును

నీ యంద వసించి యుండు నిఖిల జగములున్

నీ యంద లయముఁ బొందును

నీ యుదరము సర్వభూత నిలయము. రుద్రా!

[8-223]

నీ యుదరము సర్వభూత నిలయము, నీవు ఆర్తత్రాయణ పరయణుడివి, బంధమోక్షములకు ప్రభువి నువ్వు; అందులో మళ్ళీ సకల సృష్టి స్థితి సంహారకర్తవి. అందుచేత దీన్ని నివారించగలవు.

నీలో పుట్టి నీలో లయిస్తాయి జగాలన్నీ. అంటే ఈ విషం నువ్వు పుట్టిందే సుమా, అని చెప్తున్నారన్న మాట. అందుచేత దీన్ని నువ్వే తీసేయగలవు.

క. కొందఱు గలఁ డందురు నినుఁ;

గొందఱు లేఁ డందు; రతఁడు గుణి గాఁ డనుచుం

గొందఱు; గలఁ డని లేఁ డని

కొందల మందుదురు నిన్నుఁ గూర్చి మహేశా!

[8-225]

కౌముది

www.koumudi.net

జనవరి 2015