Visit of Stephen E. Biegun, Deputy Secretary of State of the United States of America (October 12-14, 2020)

October 13, 2020

యునైటెడ్ స్టేట్స్ ఆఫ్ అమెరికా విదేశాంగ శాఖ
సహాయ మంత్రి స్టీఫన్ ఇ. బీగన్ పర్యటన (అక్టోబర్
12-14, 2020)

అక్టోబర్ 13, 2020

యూఎస్ విదేశాంగ శాఖ సహాయ మంత్రి స్టీఫన్ బీగన్ 12-14 అక్టోబర్
2020 తేదీలలో న్యూఢిల్లీలో పర్యటిస్తున్నారు.

ఈ పర్యటన సందర్భంగా, ఆయన 13 అక్టోబర్ 2020న విదేశాంగ కార్యదర్శి
శ్రీ హర్ష్ వర్ధన్ శృంగ్లాతో చర్చలు జరిపారు. రాజకీయ, భద్రత మరియు
రక్షణ, ఆర్థిక, వాణిజ్య, సాంకేతిక మరియు ప్రజా సంబంధాలు సహా భారత్-
యూఎస్ సమగ్ర ప్రపంచ వ్యూహాత్మక భాగస్వామ్యం కింద జరుగుతున్న
అన్ని స్థాయిల సమావేశాలలోనూ వారు సమీక్షించారు. పరస్పర ప్రయోజనాలు
కలిగిన అనేక ప్రాంతీయ మరియు ప్రపంచ అంశాలపై వారు అభిప్రాయాలను
పంచుకున్నారు. మరో ముఖ్యంగా 2021-22 కాలవ్యవధికి ఐక్యరాజ్యసమితి
భద్రతా మండలిలో భారత్ సభ్యత్వం సందర్భంగా ఐక్యరాజ్యసమితిలో
సహకారాన్ని పటిష్ఠం చేసుకోవడానికి గల మార్గాలపై వారు చర్చించారు.

ఈ పర్యటన సందర్భంగా, విదేశ వ్యవహారాల శాఖ మంత్రి మరియు జాతీయ
భద్రత సలహాదారును కూడా యూఎస్ విదేశాంగ శాఖ సహాయ మంత్రి
కలుసుకున్నారు. అలాగే ప్రస్తుత ద్వైపాక్షిక సహకారంపై చర్చించడంతో
పాటు ప్రాంతీయ పరిణామాలపై అభిప్రాయాలను పంచుకున్నారు.

భారత్-యూఎస్ వర్చువల్ ఫోరమ్ ప్రారంభ సెషన్, టెక్ 1.5
చర్చలలో యూఎస్ విదేశాంగ శాఖ సహాయ మంత్రి మరియు విదేశాంగ
కార్యదర్శి పాల్గొన్నారు. కోవిడ్-19 మహమ్మారిపై పోరులో భారత్-
యూఎస్ మధ్య ప్రస్తుత సహకారం అలాగే ద్వైపాక్షిక బంధాన్ని
బలోపేతం చేసుకోవడం, బహుళపక్ష వేదికల్లో సహకారం గురించి వారు
మాట్లాడారు.