Benchmarks

শ্রী থোংঙাম বিস্বজিৎনা হায়, সোলর হোম লাইটিং সিষ্টেম অসি ফিশা-লোনশা তৌরিবা মীওইশিংদা
মিনিস্ট্রি ওফ ইনজি এণ্ড রিন্যুয়েবল রিসোর্সেসকী শেন্থং মখাদা পীবনি অমদি মসিনা চাদিং হন্থহন্দুনা শেন্দোং
হেন্না লৈহনবা ঙম্লগনি। অহানবা তাঙ্কক্কী ওইনা বেনিফিসরি ৭০৭৮ না সোলর লেম্পশিং অসিগী কান্নবা
ফংগনি।

ইণ্ডষ্ট্রি ডিপার্টমেন্টকী খাইদগী মরুওইবা পান্দম অসি নহা ২৫০০০ থবক পীবনা ওইরি। মিনিষ্টরনা
হায়, লোইতাং খুন্নৌদা লৈবা স্পাইনিং মিল অসি অমুক নৌহৌননা হিংগৎহন্নবা থবক পায়খৎপা
লোইশিল্পক্লে। স্পাইনিং মিল অসি নোঠ ইষ্ট পূম্বদা লশিংদগী লং শুংবা ঙম্বা অমখক্তা ঙাইরবা মিলনি। ইহান
হানবা ওইনা পায়খৎপা থবক ওইনা মোরে অমদি জিরিবামদা লশিং থাবগী থবক পায়খৎলগনি হায়না
মিনিষ্টরনা ফোঙদোকখি।

মিনিষ্টরনা মখা তাখি মদুদী ইং ২০২০ ফাওবগী মনুংদা ষ্টেট অসিদা পুথোকপা লশিং অমদি খুৎশেমগী
লংশিং মপান ষ্টেটশিংদা এক্সপোর্ট তৌরগনি অদুবু মসিবু থবক ওইনা পাঙথোকপা ঙমবা হোত্মবদা মরী
লৈনবশিংগী পূকিং চঙবা মথৌ তাই।

ডিপার্টমেন্ট অসিনা মায় পাকা পাঙথোকখিবা নুমিৎ ১০০নিগী থবকশিংবু থাগৎলদুনা মিনিষ্টর
বিস্বজিৎনা হায়, পায়খৎখ্রবা থবকশিং অসি য়ামা তোপ-তোপা মওংদা পায়খৎখি অদবু অহেনবা পায়খৎকদবা
কয়া অমসু লৈরি। ষ্টেট অসিদা টুরিজম, স্পোর্টস, হেণ্ডলুম-হেণ্ডিক্রাফট চাওখৎহন্নবা অমদি মেডিকেল ইণ্ডষ্ট্রি
খুমাং চাওশিনহনবা মথৌ তাই। মসিনা তুং কোইনা ষ্টেট অসিগী শেল-থুমগী ফিভম ফগত্নবা ঙমগনি হায়না
মিনিষ্টরনা মখা তাখি।

পি এম জি ই পি লোন পিবদা মওং মরীল তাদনা তৌরম্বা থেংনরবদি অকনবা খোঙথাং লৌগনি হায়না
মিনিষ্টরনা হায়খি। শেঞ্জা-থুমজা তৌবা ওফিসিয়েলশিং থেংনরবদি অহকপা চৈরাক পীগনি লোয়ননা শেঞ্জা-
থুমজা পীদুনা লোন ফংননবা হোত্তরম্বা মীওইশিংগী এপ্লিকেসন কেন্সেল তৌগনি।

মিনিষ্টর বিস্বজিৎনা মখা তারদুনা হায় মদুদী অমগা অমগগী মরক্তা মোৎ মান্ননা থবক শূমিন্নবনা সমাজ
অসিদা শান্তি পুরকপা ঙমগনি অমদি শান্তি লৈরবদি চাওখৎপসু মথনতা লাকচগনি।

মরিপুর হেণ্ডলুম এণ্ড হেণ্ডিক্রাফট ডিভেলপমেন্ট কোর্পোরেসনগী চ্যারমেন শ্রী এস. রাজেন,
পার্লিয়ামেন্টরি সেক্রেটরি (ফাইনান্স) শ্রী থোকচোম শত্যব্রতা সিংহ, পার্লিয়ামেন্টরি সেক্রেটরি (মহুড) শ্রী
এন. ইন্দ্রজিৎ, টেক্সটাইল, কৰ্ম্মস এণ্ড ইণ্ডষ্ট্রি ডিপার্টমেন্টকী ওফিসিয়েলশিং, ফিশা-লোনশা তৌবা অমদি
খুৎ-শা হৈরবা মীওইশিংনা থৌরম অদুদা শরুক য়াখি।

BEN/APO(P)

No.698

29/06/2017