कलेक्टर-बैठक

बलौदाबाजार जिला के कलेक्टर दीपक सोनी अउ बड़का पुलिस अधीक्षक विजय अग्रवाल ह कानून बेवस्था सेति राजस्व अउ पुलिस विभाग के अधिकारी मन संग गोठबात कर समीक्षा बइठका करीन। बइठका म कलेक्टर अउ पुलिस अधीक्षक मन ह जम्मों एस.डी.एम. अउ एस.डी.ओ.पी. मन ल सूचना तंत्र मजबूत करे अउ पुलिस के गस्त ल बढ़ाय के निरदेस दीन। ओमन गांव म बेरा-बेरा म सांति समिति के बइठका कराय अउ धार्मिक जघा मन म निगरानी राखे ल घलो किहीन। कलेक्टर ह रैली अउ धरना प्रदर्शन करे खातिर अनुमति लेवय ले पहिली सपथ पत्र प्रस्तुत करे बर किहीन। संगेसंग तहसीलदार अउ थानेदार मन ल गांव के विवादित प्रकरण ल तुरतेच सुलझाय के निरदेस दीन।

पुनर्गणना और पुनर्मूल्यांकन-परिणाम

छत्तीसगढ़ माध्यमिक शिक्षा मंडल डहार ले आयोजित हायर सेकेंडरी मुख्य परीक्षा बछर – दू हजार चौबीस के पुनर्गणना अउ पुनर्मूल्यांकन के परीक्षा परिणाम आज जारी कर दे गे हवय। ए परीक्षा परिणाम माध्यमिक शिक्षा मंडल के वेबसाइट म देखे जा सकथे।

छत्तीसगढ़ माध्यमिक शिक्षा मंडल के सचिव ह बतइन कि पुनर्गणना के एक हजार चौरासी अउ पुनर्मूल्यांकन के नौ हजार आठ सौ छिहत्तर आवेदन प्राप्त होय रिहीस। मंडल डहार ले जारी करे गे पुनर्गणना के 153 अउ पुनर्मूल्यांकन के चार हजार दू सौ चौरासी आवेदक मनके अंक म बदलाव होय हे।

मुख्य सचिव-बैठक

मुख्य सचिव अमिताभ जैन ह प्रदेस के कमश्निर अउ कलेक्टर मन ले वीडियोकॉन्फ्रेंसिंग के जरिया ले आने-आने योजना मनके क्रियान्वयन करे खातिर गोठबात करीन। ओमन चालू खरीफ सीजन म सही बेरा म किसान मन ल खाद अउ बीज उपलब्ध कराय के निरदेस दीन। संगेसंग प्रधानमंत्री किसान सम्मान निधि के हितग्राही किसान मन बर सिविर लगाके बैंक खाता म आधार सीडिंग समेत जउन किसान मन के केवायसी पेंडिंग हवय, ओला पूरा करे बर किहीन हे। ओमन किहीन कि एफ.आर.ए. के हितग्राही मनके नामांतरण खातिर जरूरी कार्यवाही करे जाय।

एक जुलाई ले लागू होवइया तीन ठिन नवा कानून खातिर मुख्य सचिव ह हर जिला म कार्यसाला आयोजित कर मनखे अउ कॉलेज पढ़इया लड़का मनके भागीदारी सुनिश्चित करे के निरदेस दीन। ओमन