२ थिस्सलुनीकियामान २:९

२७४

होई। जेखान प्रभु यीशु अपन महिमा में फिर प्रकट होई उ ईके मोराए दोवी तथा अपन पुनः आगमन केर अवसर में अपन उपस्थिति से उके नष्ट कईर देवी।

^९ उ व्यवस्थाहीन केर आवेक शैतान केर शक्ति से होई तथा उ बहुत बड़ा शक्ति, झूठा चिन्हामान आउर आश्चर्यकाममान ^१० तथा हर रकाम केर पापपूर्ण ठक-विद्या से भराल होई। उ ईसोउब केर उपयोग उसोउब व्यक्तिमान केर विरुद्ध करी जेमान सर्वनाश केर मार्ग में हेराए जाहाँए। उमान भटईक जाहाँए काहेकि उमान सच्चाई से प्रेम नी कईराँए; कहीं उमान केर उद्धार न होए जाओक। ^११ ईकार लागिन परमेश्वर उमान में एकटु छल शक्ति के कार्यरत कईर देई जेकार से उमान झूठ में विश्वास करेक लईगाँए। ईकार से उमान केर विश्वास जे झूठा हेके, उमान में होई। ^१२ ईकार से उमान सोभे जेमान सच्चाई में विश्वास नी कईराँए आउर झूठाई में आनन्द लेवाथाँए, दण्ड पाबाँए।

तोहरे के छुटकारा केर लागिन चुनाल जाहे

^१३ प्रभु में प्रिय भाईमान, तोहरे केर लागिन हमरे सोभे समय परमेश्वर के धन्यवाद करेक लगी काहेकि परमेश्वर आतमा केर द्वारा तोहरे के पवित्र कईरके आउर सच्चाई में तोहरे केर विश्वास केर कारण उद्धार पावेक केर लागिन तोहरे के चुईने। जे व्यक्तिमान केर उद्धार होवेक आहे, तोहरे उकार पहिला फसल केर एक हिस्सा हेका। ^१४ आउर ई उद्धार केर लागिन जे सुसमाचार केर हमरे तोहरे के उपदेश देईही उकार द्वारा परमेश्वर तोहरे के बोलाहे ताकि तोहरे भी हमार प्रभु यीशु मसीह केर महिमा के धारण कईर सकबा। ^१५ सेहे लागिन भाईमान, अटल बईन रहा तथा जे उपदेश तोहरे के मौखिक रूप से या हमार चिड्डी केर द्वारा देवाल जाहे, उके थाईम रहा।

^१६ एखान हमार प्रभु निजे यीशु मसीह आउर हमार परम पिता परमेश्वर जेहार हमार में अपन प्रेम दर्शाहे आउर हमरे के परम आनन्द प्रदान कईरहे तथा जेहार हमरे के अपन अनुग्रह में सुदृढ़ आशरा प्रदान कईरहे। ^१७ तोहरे केर हृदयमान के आनन्द देओक आउर हर अच्छा बात में जेके तोहरे कहाला या कराला, तोहरे के सुदृढ़ बनाओक।

हमार लागिन प्रार्थना करा

३ ^१ हे भाईमान, तोहरे के थोड़ा आउर बातमान हमरे केर बताएक आहे। हमार लागिन प्रार्थना करा कि

^a २:१३ तोहरे के ... चुईने कोनो यूनानी प्रतिंमान में, “शुरू से” आहे।

प्रभु केर संदेश तीव्रता से फैलोक आउर महिमा पाओक। जैसान कि तोहरे मान केर बीच होहे। ^२ प्रार्थना करा कि हमरे भटकाल आउर दुष्ट मनुष्यमान से दूर रहोबोई। (काहेकि सोभे आदमीमान केर तो प्रभु में विश्वास नी होवेला।)

^३ किन्तु प्रभु तो विश्वासपूर्ण हेके। उ तोहरे केर शक्ति बढ़ाई आउर तोहरे के उ दुष्ट से बचाए रखी। ^४ हमरे प्रभु में तोहरे केर स्थिति केर विषय में विश्वास आहे। आउर हमार पूरा निश्चय आहे कि हमरे तोहरे के जे कुछ करेक केर लागिन कईही, तोहरे वैसानेहे कराथा आउर करते रहबा। ^५ प्रभु तोहरे केर हृदयमान के परमेश्वर केर प्रेम आउर मसीह केर धिराजपूर्ण दृढ़ता केर ओर अग्रसर करी।

काम केर अनिवार्यता

^६ भाईमान! एखान तोहरे हमार प्रभु यीशु मसीह केर नाम में ई आदेश आहे कि तोहरे हर उ भाई से दूर रहबा जेमान ऐसान जीवन जीएना जेठु उमान केर लागिन उचित न लगे। ^७ मोंय ईके ईकार लागिन कहाथों काहेकि तोहरे तो निजे जानाला कि तोहरे के हमार अनुकरण कैसान करेक लगी काहेकि तोहरे केर बीच रहेक समय हमरे केखनो आलसी नी रही। ^८ हमरे बिना दाम चुकाएके केकरो से भोजन ग्रहण नी कईरी, लेकिन जतन आउर परिश्रम करते करते हमरे दिन राईत काम में जुईट रही ताकि तोहार में से केकरो ऊपरे भी बोझ नी बनेक लागिन। ^९ ऐसान नई कि हमरे तोहरे से सहायता लेवेक केर कोनो अधिकार नैखे, लेकिन हमरे ईकार लागिन कड़ी मेहनत करते रही ताकि तोहरे उकार अनुसरण करेक सकबा। ^१० ईकार लागिन हमरे जेखान तोहरे केर सागें रही, हमरे तोहरे के ई आदेश देई रही: “यदि कियो काम नी करेक खोजबाँए होले उ खाना भी न खाओक।”

^११ हमरे के ऐसान बताल जाहे कि तोहरे केर बीच के केमान ऐसान भी आहाँए जेमान ऐसान जीवन जीएना जेठु उमान केर अनुकूल नैखे। उमान कोनो काम नी करेना, दोसरामान केर बातमान में टाँग अड़ाएके हिने-हुने घूरते फिरते रहेना। ^१२ ऐसान आदमीमान के हमरे यीशु मसीह केर नाम में समझाए के आदेश देवाथि कि उमान शांति केर साथ अपन काम करोक आउर अपन कमाई केर खाना खाओक। ^१३ किन्तु हे भाईमान, जहाँ तक तोहरे केर बात हेके, भलागिन करते करते केरखनो न थकबा।

^१४ ई चिठ्ठी केर माध्यम से देवाल हमार आदेशमान में यदि कियो नी चलबाँए होले उ व्यक्ति केर ऊपरे नजर