ЕВРЕЙМҮД, 9

⁷ Кемр түрүңк бооцан цугинь күцәж чаддг болсн болхла, хойрдгч бооцан кергго болх билә. ⁸ Зуг Бурхн Эврәннь келн-әмтән гемшәж иигж келсн бәәж: «Деед Эзн иигж келҗәнә: Израилин улсла болн Йудья улсла шин бооца батлх цагнь ирх. ⁹ Эн бооцан теднә өвк экцнриг һараснь көтлҗ Египетәс һарсн цагт батлсн бооцана әдл биш болх. Мини батлсн бооцанд тедн ИТКЛТә биш болснднь Би тедниг үлдәвүв гиж Деед Эзн келҗәнә. ¹⁰ Болв Би тер өдрмүдин хөөн Израилин улсла иим бооца батлхув гиж Деед Эзн келҗәнә. Би Эврәннь закаһан теднә ухан-сананднь орулад, зүркнднь бичхв. Би теднә Бурхн болхв, тедн Мини келн-әмтн болх. ¹¹ Кен чигн өөрк күүһән, ах-дүүһән сурһж: Деед Эзиг медтн, — гиж келшго. Тиим керг уга болх. Яһад гихлә, тедн цуһар нертәнь, нерн угань Намаг медх. ¹² Би теднә геминь тәвж, буру йовдлмудынь мартхв». ¹³ Бурхн шин бооцана тускар келсн цагт түрүңк бооцаг хуучнынь үзүлв. Кезәңк болн хуучн юмн дарунь уга болж одх.

Һазрин болн теңгрин өмн сөгдлһн

⁹ Түрүңк бооцанд Бурхнд яһҗ сөгдхин тускар зааврмуд бичә-тә бәәсмн. Энд чигн әрүн бәәрн бәәсмн. ² Нег сег тәвгдсн бәәж. Терүнә һазак әңг әрүн бәәрн гиж нерәдгдлә. Тенд зулын тәвц болн ширә Бурхнд нерәдсн дееҗин өдмгтә бәәж. ³ Оңдан әңг һазак әңгәс хойр көшгәр салһгддг билә. Тернь хамгин әрүн бәәрн гиж нерәдгдж*. ⁴ Хамгин әрүн бәәрнд күж уңһтхадг алтн ширә, алтар цутхсн бооцана хәәрцг бәәҗ. Бооцана хәәрцг дотрнь «манна» гидг хотта алтн сав, Ахарона цецгәрсн тайг болн бооцана дөрвлҗн хойр чолун бәәдг бәәҗ. ⁵ Бооцана хәәрцг дэернь Херуб гидг нертә Бурхна элчир зогсҗ. Тедн делен җиврәрн килнц тәвлһнә орм хаадг бәәҗ. Ода энүнә тускар тодрхаһар келх цаг уга.

⁶ Цугнь иигж тосхата бәәж. Гелңгүд сегин һазак әңгднь орад, көдлмшән күцәдг бәәж. ⁷ Хамгин әрүн бәәрнд болхла һанцхн ах гелң жилд нег дәкҗ ордг зөвгә бәәж. Тер эврәннь болн әмтнә кесн буруһас көлтә тәклин цус авч ирдг бәәж. ⁸ Тиигэд һазак әңг бәәтл хамгин әрүн бәәрнд орх хаалһнь хаалһата гиж Әрүн Сәкүсн энүгәр үзүлдг бәәж. ⁹ Цуг үүнд өдгә цагин темдг бәәнә.

* Сүл халхст бәәсн Ерусалим балһсна сүмин зура хәләтн.

473