टिपणी

हिंदुस्तान छो अमर आहे?

क़वायद जो, मिश्र जो जादू, अरब जो तोहीद जो पैग़ामु, अंग्रेज़नि जी सौदागरी, जापान जो हुनुरु ऐं अवरचाई, चीनियुनि जी हथ जी सफ़ाई वगैरह। हिंदुस्तानियुनि खे त फ़खुरु करण लाइ काफ़ी सबब आहिनि। इहो ई हिकु देश आहे, जो संदसि पैग़ामु अमर आहे। छा तव्हां बुधाए सघंदा त लेखक हिंदुस्तान जे अमर पैग़ाम जी इहा गाल्हि छो कई आहे? जी हा। हिंदुस्तान खे ई इहा जाण या ज्ञानु आहे त जेकी आहे, सो न आहे याने त जेकी डिसूं था, पसूं था, माणियूं था, सो असुल न आहे, असुलियत का बी आहे। जमण खां वठी इहो मंत्र मिलियलु आहे त आत्मा अमर आहे, बाकी सभु नासवंतु आहे। अहिड़ो आत्मिक बलु ऐं ज्ञानु बियनि देशनि में कोन्हे। इनकरे हिंदुस्तान जो धर्म ऐं शर्म, मर्यादा ऐं अख़लाक़ जी पुजाणी कान थी सघी आहे। असां जो हिंदुस्तान अडोल बीठो आहे, जीअं चविणी आहे 'बीठो आहे त लख जो, किरियो आहे त कख जो'। आत्मिक ज्ञान असांखे अखुटु, अमुल्हु ख़ज़ानो डिनो आहे। तव्हां बुधाए सघंदा त लेखक सीताउनि, सावित्रियुनि ऐं पदिमणियुनि जो जिकिरु छो कयो आहे? जी हा। छाकाणि त दुनिया जे बियनि मुल्कनि में राम ऐं कृष्ण ऐं गौतम जे मुक़ाबिले बिया नाला बि आहिनि पर सीता, सावित्री ऐं पदिमणीअ जो मटु किथे बि लभी न सघंदो।

सबक़ बाबति सुवाल-11.1

सही जवाब चूंडे [ ] में लिखो-

1. कहिड़े देश जी दावा आहे त संदसि पैग़ामु अमर आहे?

(अ) भारत

(ब) चीन

(स) यूनान

(द) मिश्र

[ ]

2. 'कर्म जे चकरे खे केरु कोन छुटी थो सघे' जो मतिलबु आहे-

(अ) कर्मनि जो फलु हरकंहिं खे नथो मिले

(ब) कर्मनि जे फल खां असां चालाकीअ सां छुटी सघूं था

(स) कर्मनि जो फलु हरकंहिं खे भोगणो ई आहे

(द) कर्म करणु, न करणु सागी गाल्हि आहे

[ ]

148

सिंधी