Benchmarks

സാമൂഹ്യ സുരക്ഷാ പെൻഷൻ ലഭിക്കാൻ അർഹതയുണ്ടായിരിക്കുന്നതല്ല എന്നാൽ, ഈ
വിഭാഗത്തിൽപ്പെടുന്നവർക്ക് ക്ഷേമനിധി ബോർഡ് പെൻഷൻ 600/- രൂപ നിരക്കിൽ ലഭിക്കാൻ
അർഹതയുണ്ടായിരിക്കും.

(2) ഇ. പി. എഫ് പെൻഷൻ ലഭിക്കുന്ന വിരമിച്ച തൊഴിലാളികളിൽ 4000/- രൂപവരെ
ഇ.പി.എഫ് പെൻഷൻ ലഭിക്കുന്നവർക്ക് സാമൂഹ്യ സുരക്ഷാ/ ക്ഷേമനിധി ബോർഡ് പെൻഷൻ
സാധാരണ നിരക്കിലും, 4000/- രൂപയ്ക്ക് മുകളിൽ ഇ.പി.എഫ് പെൻഷൻ ലഭിക്കുന്നവർക്ക്
സാമൂഹ്യ സുരക്ഷാ/ ക്ഷേമനിധി ബോർഡ് പെൻഷൻ 600/- രൂപ നിരക്കിലും ലഭിക്കാൻ
അർഹതയുണ്ടായിരിക്കും.

3. പുതുക്കിയ പെൻഷൻ നിരക്കുകൾ പുതിയ പെൻഷൻ അപേക്ഷകർക്ക്
ബാധകമാക്കുന്നതോടൊപ്പം, നിലവിൽ ലഭിച്ചുകൊണ്ടിരിക്കുന്നവർക്ക് മുകളിൽ പറഞ്ഞ നിരക്കിൽ
പെൻഷനുകൾ ലഭ്യമാക്കുന്നതിനായി, ഇ.പി.എഫ് പെൻഷൻ ലഭിക്കുന്ന സാമൂഹ്യ സുരക്ഷാ
പെൻഷൻ ഗുണഭോക്താക്കളുടെ വിവരങ്ങൾ പ്രാദേശിക സർക്കാർ അടിസ്ഥാനത്തിൽ തരം
തിരിച്ചു ലഭ്യമാക്കാൻ ഇൻഫർമേഷൻ കേരള മിഷനെയും, ഇ.പി.എഫ് പെൻഷൻ ലഭിക്കുന്ന
ക്ഷേമ നിധി ബോർഡ് പെൻഷൻ ഗുണഭോക്താക്കളുടെ വിവരങ്ങൾ ശേഖരിക്കാൻ ബന്ധപ്പെട്ട
ക്ഷേമനിധി ബോർഡ് ചീഫ് എക്സിക്യൂട്ടീവ് ഓഫീസർമാരെയും ചുമതലപ്പെടുത്തുന്നു. ഇത്തരത്തിൽ
കണ്ടെത്തുന്ന ഗുണഭോക്താക്കളിൽ, ഇ.പി.എഫ് പെൻഷൻ ലഭിക്കുന്ന തൊഴിലാളികൾ,
ഇ.പി.എഫ് പെൻഷൻ ലഭിക്കുന്ന പൊതുമേഖലാ സ്ഥാപനങ്ങളിൽ നിന്നും വിരമിച്ച
എക്സിക്യൂട്ടീവുകൾ/ സ്റ്റാഫുകൾ എന്നിവർക്ക് അർഹതപ്പെട്ട നിരക്കിൽ പെൻഷൻ പുനർ
നിർണ്ണയിച്ചു നൽകുന്നതിനും, പരിഷ്ക്കരിച്ച രീതിയിൽ അനർഹരായവരെ പെൻഷൻ ഡാറ്റാ
ബേസിൽ നിന്നും ഒഴിവാക്കുന്നതിനുമായി ബന്ധപ്പെട്ട പ്രാദേശിക സർക്കാർ സെക്രട്ടറിമാർ,
ക്ഷേമനിധി ബോർഡ് ചീഫ് എക്സിക്യൂട്ടീവ് ഓഫീസർമാർ എന്നിവരെ ചുമതലപ്പെടുത്തുന്നു.

4. പരാമർശം 2 ഉത്തരവിലെ മറ്റ് നിർദ്ദേശങ്ങൾ അതേപടി നിലനിൽക്കുന്നതായിരിക്കും.

5. പരാമർശം 2-ലെ ഉത്തരവ് ഇത്തരത്തിൽ ഭേദഗതി ചെയ്തുകൊള്ളുന്നു.

(ഗവർണ്ണറുടെ ഉത്തരവിൻ പ്രകാരം)

ബിശ്വനാഥ് സിൻഹ
അഡീഷണൽ ചീഫ് സെക്രട്ടറി (ധനകാര്യം)

പകർപ്പ്

അക്കൗണ്ടന്റ് ജനറൽ (എ & ഇ), കേരള, തിരുവനന്തപുരം
അക്കൗണ്ടന്റ് ജനറൽ (ആഡിറ്റ് II), കേരള, തിരുവനന്തപുരം
പ്രിൻസിപ്പൽ സെക്രട്ടറി, തദ്ദേശ സ്വയം ഭരണ വകുപ്പ്
പഞ്ചായത്ത് ഡയറക്ടർ, തിരുവനന്തപുരം