Лыдӟиськыны — Йӧскалык библиотекае

Туннэ, 16-ти куарусёнэ, сиё-дано усьтискиз выльдэм Национальной библиотека.

Шаерысьтымы Йӧскалык библиотека ворсаськиз вал 2011-ти арын кышкытлык-лэсь куронъёслы тупамтэ-еныз валче. Со 8 ар пала шал-шал улиз. Выльдиськон ужъёс рос-прос кутскизы 2019-ти арын. Нырысь ча-кламын вал выльдэм юртэз усьтыны 2020-ти арын. Но секыт лэсьтиськон ужъёс коркатуез жегатизы. Табере

тупатьям библиотека ӧсъёссэ усьтиз ини ужасьёс-лы но лыдӟисьёслы.

Татын быдэсак вош-тэмын выж но вӧлдэт, выльдэмын 2-ти этажысь лыдӟиськон зал, пуктэмын 3 выль пагза но лифт, кни-га жутьян тирлык, сӧсыр адямиослы тубан-васькан пандусъёс. Реставраторъёс утизы лыдӟиськоннилэсь вашкала тусбуйзэ. Будэтизы на «Удмурт Республикаысь Национальной библиоте-ка» гожтэмен барельеф. Со сяна, кылдиз выль корпус,

отын 1,5 миллион экзем-пляр книгаос утиськозы, татын лыдӟиськон залъёс но ужасьёслэн кабинетъ-ёссы интыяськемын. Вера-ны кулэ, татын нимысьтыз климат-контроль система ужалоз, книгаосты утёз, омырэз тузонлэсь тазатоз.

Национальной библи-отекалэн усьтиськемезлы сизыса, быдэс толэзь чоже пӧртэм ужрадъёс луозы. Дунтэк ортчыло-зы экскурсиос, визь сы-нанъёс, лекциос, мастер-классъёс, адзытонъёс,

концертъёс, кылсярысь, тун-нэ выль конференц-залын ортчиз Россиысь крезьгурчи-лэн, писательлэн, искусство-ведлэн Михаил Казиниклэн «Нош ти быгатиськоды-а лыдӟиськыны» онлайн-лек-циез.

— Котькыче бадӟым ис-кусство (поэзия, крезь-гур, литература) — со аспӧртэмлыко передатчик, нош адями, кудиз солэсь тулкымъёссэ уг кылы — тияськем приёмник, мон сое тупатисько, — шуэ Ми-хаил Казиник.

Нош чуказе, 17-ти куар-усёнэ, мылкыд карисьёс кылзыны быгатозы Удмур-тиысь филология наукаосъя докторлэсь Наталья Кондра-тьевалэсь «Пайдаё-а трос кылъёсты тодыны» лекци-зэ, пумиськыны Москваысь А. Райкин нимо «Сатирикон» театрысь актёрен, режиссё-рен Яков Ломкинэн. 18-ти куарусёнэ Иже вуоз Росси-ысь калык артист Александр Филиппенко, Национальной библиотекаын со возьматоз «У автора в плену» (12+) мо-носпектакльзэ.

Бамез дасяз Галина СЕМЁНОВА