ЛУКА, 20

²⁹ Тиигәд ах-дү долан бәәҗ. Түрүңк ахнь гер авад үрн уга өңгрж одв, авалян үрн уга үлдәж. ³⁰ Хөөннь тер белвсн күүкд күүг дарук дүнь авч, тернь бас өңгрҗ. ³¹ Һурвдгч дүнь бас тер күүкд кү авч, тиигәд наадк ах-дү бас терүг авч, болв цуһар ах-дү долан күн үр үлдәлго өңгрж. ³² Аш сүүлднь, тер күүкд күн өңгрв. ³³ Ода болхла кемр тедн цуһар әмдрхлә, тер күүкд күн альк ахиннь гергн болхмб? Яһад гихлә, тер долан ах-дүү-һин гергн бәәж.

³⁴ Исус теднә хәрүднь иигж келв:

— Эн нарт делкәд әмтн гер авна, мордна. ³⁵ Зуг Бурхнас үкәд әмдрх зөв авсн улс иргчдән гер авлго, күүнд одлго бәәх. ³⁶ Бурхна элчирлә әдл үкл угаһар тедн бәәх. Тедн Бурхна үрдүд, тер юңгад гихлә, тедн үкәд әмдрцхәв. ³⁷ Үксн күн әмдрдг гисн үнәр болх. Шачасн бутын тускар Моше келхлә, тер Бурхиг «Абрахамин Бурхн, Ицхакин болн Яковин Бурхн» гиж нерәдв. ³⁸ Бурхн үксн әмтнә Бурхн биш. Тер әмд әмтнә Бурхн, Терүнә чирәд тедн әмд!

³⁹ — Багш! Та йир сән хәрү өгвт! — гиж ном цәәлһәчнрин зәрмнь келцхәв.

⁴⁰ Энүнә хөөн дәкҗ күн терүнд сурвр өгх сана зүүсн уга.

Христос кенә көвүмб?

⁴¹ Цааранднь Исус сурв:

— Христосиг Давидин тохмин үлдл гиж юңгад әмтн келдв?

^42-43 Псалмудын дегтрт Давид эврән келсн билэлм: «Деед Эзн мини Деед Эзнд келсн: Чини өшәтниг диилж көлдчнь эс хайтл Мини барун Бий тал су». ⁴⁴ Кемр Давид Терүг «Деед Эзн» гиж нерәдхлә, яһҗ Тер бийиннь тохмин күн болж һархмб?

Ном цәәлһәчнрэс саглтн!

⁴⁵ Олн әмтн оньган өгәд, Исусиг соңссн цагт Тер эврәннь сурһульчнртан иигж келв:

⁴⁶ — Ном цәәлһәчнрэс бийән саглҗ йовтн. Тедн ут хувцан өмсчкәд йовхла, әмтн талвң болһнд теднлә мендлхлә, тедн таасгдна. Хурлд эс гиж нәәрт деегшән һарад суухдан дурта.

⁴⁷ Тедн белвсн күүкд улсин зөөринь меклҗ авад, әмтнә нүднд үзүләд Бурхнд уданар мөргцхәнә. Тер улс ик догшн цааҗла харһх.

173