Benchmarks

(1) базаййагъой кӀаьйлӀоьчаьлаьъ гелокъасзу тухъца мацойо бежкъалас
бикълабашейоьльи. (2) къонас лӀи гей аьлӀаьъаьш гиса оцӀна илос миц
тухъечӀе. (3) гьолӀоъ на:сди гьуди бикълабашейолъилӀона ъаь"гъаь
йаькьелло нада:кьа: бикълабашейолъина йуьчӀйаьгъечӀе. (4) гьекъар
богълъол ата:цой гей къона оьлоьхъаьн кӀималид мисолабацас (5)
гьалӀадолъна гьихлъойо гьоллохъана говацӀона. (6) гьидехъана
говацӀона до аь"йдаь: эчелъ туркаллигъад кӀетӀо кӀима гей йохалӀо
нисона цӀитӀад йуьчӀна роьъил ницца ди:хъа. (7) инкар бойчӀе дона
йохна йи"ъилна тели лъилъийо гьоллохъана говацӀона. (8) гьолло:л гей
гувабацӀона бечена ни:йоле до къимат нилӀаллаълӀона (9) лъилъна
йи"ъилйугъолъ иллалагъад нисойо до йилӀа гемо гаьгъийо кӀима
гейлӀо. (10) ди:гъана йилӀа гьикматна ба:хъна гъихбалъойо гьолло:л.